வாரம் 1 நாள் ஆலிவ் எண்ணெய் + எலுமிச்சை சாறு சேர்த்து குடித்தால் உங்க உடலில் என்ன மாற்றம் நடக்கும்?
இன்றைய காலங்களில் துரித உணவுகளின் மீது ஈடுபாடு இருக்கும் அதே அளவு இயற்கை உணவுகளையும், இயற்கை மருந்துகளின் மீதும் அக்கறை மற்றும் ஈடுபாடு வந்துள்ளது. ஆகவே அவற்றை தேடிப் போக் ஆரம்பித்துவிட்டனர்.
இயற்கை உணவுகள் உங்கள் நோயை முற்றிலும் குணமாக்குமோ தெரியாது. ஆனால் உங்களை நோயிலிருந்து காப்பாற்றும். உடல் நலத்தின் மீது அக்கறை இருப்பவர்கள் சின்ன சின்ன பிரச்சனைகளுக்கு முதலில் இயற்கை மருந்துகளை தேர்வு செய்து அதனால் குணமாகவில்லையென்றால் பிறகு அலோபதியை தேடுவது நலம்.
தலைவலி, மலச்சிக்கல் போன்றவற்றிற்கு உடனே மாத்திரை மருந்துகளை தேடாதீர்கள். பல இயற்கை நிவாரணங்களில் ஆலிவ் எண்ணெயையும் முக்கியத்துவ பெற்றுள்ளது.
ஆலிவ் எண்ணெயுடன் எலுமிச்சை சாறு கலந்து குடிப்பதால் உங்கள் உடலில் பல அருமையான மாற்றங்கள் நடை பெறும். அவற்றைப் பற்றி இங்கு காணலாம்.
1/ 2 ஸ்பூன் ஆலிவ் எண்ணெய்
1/2 ஸ்பூன் எலுமிச்சை சாறு.
தயாரிக்கும் முறை :
அரை ஸ்பூன் ஆலிவ் எண்ணெய் எடுத்து அதில் ஃப்ரெஷாக பிழிந்த எலுமிச்சை சாறு அரை ஸ்பூன் கலக்குங்கள். அரை ஸ்பூன் அளவு எண்ணெய் மற்றும் எலுமிச்சை சாறு போதும். அதற்கு மேல் எடுக்க வேண்டாம்.
இந்த சாற்றினை உணவை சாப்பிடுவதற்கு அரை மணி நேரம் முன் சாப்பிட வேண்டும். வாரம் 3 நாட்கள் அல்லது வாரம் ஒரு தடவை எடுத்துக் கொண்டால் போதும். இப்படி குடிப்பதால் பலவித நன்மைகளை நமக்கு தருகின்றது. அவற்றப் பற்றி பார்க்கலாம்.
நீங்கள் மலச்சிக்கலில் அவதிப்பட்டுக்கொண்டிருந்தா, இதனை குடிக்கும்போது, இதிலுள்ள ஆலிவ் எண்ணெய் குடல் இயக்கத்திற்கு உதவுகிறது. மலமிலக்கியாகவும் செயல்படுகிறது. எலுமிச்சை சாறு நச்சுக்களை அழித்து சுத்தம் செய்கிறது. இதனால் மலச்சிக்கலிலிருந்து வேகமாக குணமடைவீர்கள்.
எல்லாருக்குமே நோய்கள் ரத்த ஓட்டம் த்டைபடுவதால் வருகிறது. தெரியுமா? ரத்த ஓட்டத்தை வேகப்படுத்துவதால் உடல் முழுவதும் ரத்த ஓட்டம் சீராக பாயும்போது, உடலில் ஏற்படும் சிறு சிறு பாதிப்புகளை உடனே சரிப்படுத்திக் கொள்ளும்.
இதனால் பின்னால் வரும் நோய்கள் தடுக்கப்படுகிறது. இந்த சாறை குடிக்கும்போது ரத்த ஓட்டம் அதிகரிக்கும். நோய்கள் தடுக்கப்படும். குறிப்பாக வெரிகோஸ் நரம்பை தடுக்கிறது.
கல்லீரலில் தங்கும் நச்சுக்கள் மற்றும் கொழுப்பு சேர்ந்து ஃபேட்டி லிவர் எனபப்படும் நோயை உண்டாக்குகிறது. இது மிகவும் ஆபத்தான நோய். இதனை கவனிக்காமல் விட்டுவிட்டால் கல்லீரல் செயலிழப்பிற்கே ஆளாக நேரிடும். இந்த ஆலிவ் மற்றும் எலுமிச்சை கலவை குடிப்பதால் கொழுப்பு கல்லீரல் நோய் தடுக்கப்படுகிறது. கல்லீரலை மொத்தமாக சுத்தப்படுத்தும் க்ளென்சராக விளங்குகிறது.
உடலில் அதிகப்படியாக சுரக்கும் அமிலங்களின் சுரப்பை கட்டுப்படுத்துகிறது. வயிற்றினுள் உண்டாகும் அழுத்தத்தை குணபப்டுத்துவதால் வயிற்றுப் பிடிப்பு, வாய்வு, அசிடிட்டி , நெஞ்செரிச்சல் போன்றவை சரியாகிவிடும்.
தினமும் உங்கள் உடலில் உருவாகும் நச்சுக்கள் சேர்ந்து கிலோ கணக்கில் உங்கள் எடையை அதிகரிக்கச் செய்யும். நச்சுக்களை அகற்றினாலே உங்கள் எடையில் சில கிலோவை குறைக்கலாம் தெரியுமா. இந்த கலவை நச்சுக்களை முற்றிலும் அகற்றும் தன்மை கொண்டது.
ஆலிவ் எண்ணெயில் நல்ல கொழுப்பு அமிலங்கள் இருக்கின்றன. இவை உடலில் இருக்கும் கொலஸ்ட்ரால் விகிதத்தை சீர்படுத்துகிறது. கெட்ட கொழுப்பை குறைத்து செரிமானத்திற்குட்படுத்துகிறது.
மூட்டு இணைப்புகளில் இருக்கும் சவ்வுகளில் நெகிழ்வுத்தன்மை குறைந்தால் மூட்டு உராய்வு ஏற்பட்டு தேய்மானம் உண்டாகும். ஆலிவ் எண்ணெய் இதனை தடுக்கிறது. மூட்டுஇணைப்புகளில் நெகிழ்வுத்தன்மையை அதிகப்படுத்துகிறது.
